STS-45 Sahil Kranı Layihəsi – Elektrik və Avtomatika Sistemi

Technocare olaraq, ADO-G şirkətlər qrupu ilə əməkdaşlıq çərçivəsində maksimum yükdaşıma tutumu 90 ton, faydalı yükdaşıma tutumu 45 ton olan STS-45 sahil kranı layihəsi uğurla həyata keçirilmişdir.

Layihə çərçivəsində:

• Kranın konstruktiv layihələndirilməsi, istehsalı və quraşdırılması ADO-G tərəfindən,

• Elektrik, elektronika, avtomatika və proqramlaşdırma layihələndirilməsi, istehsalı və quraşdırılması isə Technocare tərəfindən icra olunmuşdur.

Bu layihə müasir liman infrastrukturunun inkişafı istiqamətində atılmış mühüm addımdır.

Elektrik və Avtomatika Sistemi

Qabaqcıl Texnologiyaların Tətbiqi

STS-45 kranının avtomatik idarəetmə sistemində dünya miqyasında qabaqcıl texnologiya istehsalçıları olan:

• Schneider Electric

• SICK

markalarının avadanlıqlarından istifadə edilmişdir.

Bütün elektrik mühərrikləri ən son texnologiyaya malik tezlik çeviriciləri (VFD) vasitəsilə idarə olunur. Sistem mərkəzi PLC sənaye kompüter sistemi üzərindən tam avtomatlaşdırılmış şəkildə işləyir.

Mərkəzi İdarəetmə

Kranın bütün əməliyyatları PLC əsaslı mərkəzi idarəetmə sistemi vasitəsilə koordinasiya edilir. Bu yanaşma:

• Enerji səmərəliliyini artırır

• Əməliyyat təhlükəsizliyini maksimum səviyyədə təmin edir

• Dəqiq və stabil yük idarəetməsi yaradır

Performans və Sürət Üstünlükləri

STS-45 kranı tam bir əməliyyatı 3 dəqiqədən daha qısa müddətdə həyata keçirir. Sürətli qaldırma və endirmə xüsusiyyətləri sayəsində bu model öz nəslinin ən sürətli kranlarından biri hesab olunur.

Elektronika və proqram təminatı beynəlxalq standartlara cavab verir və gələcək liman infrastrukturlarına inteqrasiya üçün geniş imkanlar yaradır.

Texniki Göstəricilər

• Maksimum yükdaşıma tutumu: 90 ton

• Faydalı yükdaşıma tutumu: 45 ton

• Sahil boyunca hərəkət sürəti: 20 m/dəq

• Yük qaldırma sürəti: 18 m/dəq

• Yük arabasının hərəkət sürəti: 25.2 m/dəq

• Yük qaldırma hündürlüyü: 18 metr

• Eniş dərinliyi: 6 metr

Mühərrik Sistemi

• Sahil boyunca hərəkət: 8 ədəd 11 kVt asinxron mühərrik

• Yük qaldırma sistemi: 4 barabanlı, 2 ədəd 90 kVt asinxron mühərrik

Layihənin Əhəmiyyəti

“STS-45” tipli layihələr ölkəmizin logistika və sənaye potensialının güclənməsinə mühüm töhfə verir. Bu yanaşma yalnız cari əməliyyat səmərəliliyini deyil, həm də uzunmüddətli davamlı və etibarlı iş mühitinin formalaşdırılmasını təmin edir.

Technocare olaraq sənaye avtomatlaşdırma və liman infrastrukturu layihələrində qabaqcıl texnologiyaların tətbiqini davam etdiririk.